ഈ മഴയത്ത് ചെറുചൂടോടെ നെയ്യപ്പമായാലോ? നല്ല രുചിയോടു കൂടി നാടന്‍ നെയ്യപ്പം ഉണ്ടാക്കുന്നത് എങ്ങിനെ എന്ന് നോക്കാം
ചേരുവകള്‍
പച്ചരി - 2 കപ്പ് (1 കപ്പ് 250 ാഹ )
ശര്‍ക്കര 350 - 400 ഗ്രാം
നെയ്യ് 1 ടേബിള്‍സ്പൂണ്‍
കറുത്ത എള്ള് 1 -2 ടീസ്പൂണ്‍
തേങ്ങാ കൊത്തു നെയ്യില്‍ വറുത്തത് - 1 ടേബിള്‍സ്പൂണ്‍
ഉപ്പ് - രണ്ടു നുള്ള്
പാളയംകോടന്‍ (മൈസൂര്‍ പഴം)- 1
പൊടികള്‍
ചുക്ക് പൊടി 1/4 ടീസ്പൂണ്‍
ഏലയ്ക്ക 3 -4
ജീരകം പൊടിച്ചത് - 1/4 ടീസ്പൂണ്‍
കശുവണ്ടി - 10
ഇതെല്ലം കൂടി ഒന്ന് പൊടിച്ചു വയ്ക്കുക
തയാറാക്കുന്ന വിധം
ആദ്യം തന്നെ രണ്ടു കപ്പ് പച്ചരി അല്ലെങ്കില്‍ ഉണക്കലരി നന്നായി കഴുകി വാരി ആറുമണിക്കൂര്‍ വെള്ളത്തില്‍ കുതിര്‍ത്തു വയ്ക്കുക. അത് വെള്ളം വാര്‍ത്തു പുട്ടിനു പാകത്തിനുള്ള പൊടി പോലെ തരിയോടുകൂടി പൊടിച്ചു വയ്ക്കുക. അതിലേക്കു ചുക്ക് കശുവണ്ടി എല്ലാം കൂടി പൊടിച്ചതും പഴം അരച്ചതും എള്ള്, നെയ്യ് എന്നിവയും ചേര്‍ത്ത് നന്നായി യോജിപ്പിച്ചതിലേക്കു ശര്‍ക്കര പാനി ചേര്‍ത്ത് നന്നായി കുഴയ്ക്കുക.
ഇഡ്ലി മാവിന്റെ അയവില്‍ വേണം കലക്കി എടുക്കാന്‍. തേങ്ങാ വറുത്ത് നെയ്യപ്പം ചുടുന്നതിനു തൊട്ടു മുന്‍പ് ചേര്‍ത്താല്‍ മതി. ഇവിടെ എള്ള് മാത്രമേ ചേര്‍ത്തിട്ടുള്ളു. മാവ് എട്ടു മണിക്കൂര്‍ എങ്കിലും വയ്ക്കണം.
വെളിച്ചെണ്ണയിലോ നെയ്യിലോ നെയ്യപ്പം ചുട്ടെടുക്കാം. കുറേശ്ശേ കോരി ഒഴിച്ച് ഓരോന്നായി ചുട്ടെടുക്കുക.
